JESHI LA POLISI LANASA MAJANGILI WATANO MORO.

                                                    

Kamanda wa Polisi wa Mkoa wa Morogoro,Leonad Paul akiwaonyesha wanahabri koti walilokuwa wakitumia majangili

JESHI la  Polisi Mkoani Morogoro  kupitia operesheni shirikishi limefanikiwa kuwakamata watu watano wanaotuhumiwa kuhusika na ujangili pamoja na ujambazi  wakiwa na vitu mbalimbali vinavyotumika katika uhalifu ikiwemo bunduki mbili na risasi 13.

         

Kamanda wa Polisi Mkoani Morogoro Leonard Paulo alisema kuwa tukio la kwanza lilitokea mnamo Julai 16 mwaka huu majira ya saa 2.30 usiku huko katika eneo la Mzombe Tarafa ya Mikumi katika Wilaya ya kipolisi Ruhembe Mkoani Morogoro.

Kamanda alisema kuwa askari waliokuwa katika eneo  nla ukaguzi waliwatilia shaka watu wawili waliokuwa wamevalia makoti meusi,begi pamoja na silaha  wakiwa wanaendesha pikipiki yenye nambari za usajili na  T 630 BVH aina ya SUN LG  na walipopekuwaliwa walikutwa wakiwa na silaha aina ya Riffle yenye namba AO 48441 pamoja na risasi 13  ambayo ilikuwa ikitumiwa katika kufanya  ujangili  wa kuua wanyama mbugani.

Aliwataja majangili hao kuwa ni Ayoub Obeid (34) maarufu kama Mkwenjele  pamoja na Nassoro Mohamed (34) maarufu kama Kambala wote wakazi ni wakazi  wa Kilosa Mkoani Morogoro.

Alisema kuwa watuhumiwa wamekamatwa na uchunguzi zaidi unafanywa na jeshi la polisi ili kuweza kubaini mtandao mzima unaojihusisha na matukio ya ujangili ili sheria ziweze kuchukua mkondo wake.

Katika mwendelezo wa operesheni hiyo mnamo juni  13 hadi julai 3 mwaka huu pia jeshi hilo liliweza kuwakamata watu watatu wanaosaidikiwa kuwa ni majambazi wakiwa na silaha aina ya AK 47 ikiwa na risasi 3 ambao waliweza kufahamika kuwa ni Said Salehe (30) mkazi wa kilosa  ,Alias  Makwawa (30) mkamkazi wa Ludewa Mbuyuni wote wakazi wa kilosa pamoja na Abdul Mateo maarufu kama baba ubaya (30) mkazi wa Turiani.

Wakati huo huo mnamo Julai 3 mwaka huu majira ya saa 2.30 katika Wilaya ya kilosa watu wawili wanaosadikiwa kuwa ni majambazi wakiwa na silaha aina  ya gobore likiwa na risasi moja walijaribu kupora duka  la mfanyabiashara na hatimaye kushindwa kuiba baada ya kubishana na mfanyabishara na kushindwana nguvu na kisha kutoroka kusikojulika na wanaendelea kusakwa na jeshi hilo.

 Kamanda Paulo alisema kuwa kufanikiwa kukamatwa kwa watu hao ni kutokana na jeshi la polisi kuanzisha programu maalumu ya operesheni shirikishi ambayo inashirikisha wananchi moja kwa moja katika kuwafichua wahalifu.

 Hata hivyo kamanda huyo ametoa wito kwa wananchi kushirikiana na jeshi la polisi kupitia operesheni hiyo ili kuweza kufichuwa wahalifu  wanaoishi katika maeneo yao ili kukomesha kabisa vitendo vya uhalifu ndani ya mkoa.

Kamanda Paul akiongea na wanahabari juu ya operesheni shirikishi.

Baadhi ya askari kanzu wakikagua silaha zilizokamatwa katika zoezi la operesheni tokomeza

Waandishi wa habari mkoani Morogoro wakimsubiri Kamanda wa Polisi wa mkoa Leonad Paul katika ukumbi mdogo wa polisi

Kamanda Leonad Paul akionyesha bunduki iliyokuwa inatumiwa na majangili kuua wanyama aina ya tembo na swala.

Waandishi wa habari wakimsikiliza kamanda wa polisi wa mkoa wa morogoro Leonad Paul.