MVUA ZALETA MAAFA BAGAMOYO,KATA YA VIGWAZA

                                 

DOKTA Shukuru kawambwa akiwapa pole wanakijiji wa ruvu darajani baada ya nyumba zao kuezuliwa na upepo siku ya tarehe 8 mwezi huu huko katika kata ya vigwaza wilayani bagamoyo.

Dokta Shukuru Kawambwa akipewa maelezo ya namna nyumba ya Magdarena Kenya (pichani ) iilvyoezuliwa paa wakati bibi huyo akiwa ndani ya nyumba hiyo na familia yake na paa hilo kutupwa juu ya mti ulio jirani huko katika kijiji cha ruvu darajani kata ya vigwaza wilayani bagamoyo.

 

Dokta Shukuru Kawambwa akimpa pole Salome baaada ya  nyumba yake kuezuliwa na upepo,ambapo yeye na familia yake kukosa makazi huko katika kijiji cha ruvu darajani kata ya vigwaza wilayani Bagamoyo.

 

JUMLA ya nyumba 65 zimeezuliwa kwa upepo ulioambatana na mvua kubwa na kusababisha baadhi ya kaya kukosa makazi katika vijiji vya ruvu darajani na visezi kata ya vigwaza wilayani bagamoyo mkoani Pwani.

Hayo yamebainishwa baada mbunge wajimbo hilo na waziri wa elimu na mafunzo ya ufundi docta shukuru kawambwa wakati alipofanya ziara ya siku moja kutembelea vijiji hivyo kujionea hali halisi ya ajali hiyo ya mvua iliyoambatana na upepo mkubwa.

Dokta Kawambwa amesema tukio hilo lilitokea novemba 8 mwaka huu majira ya kati ya saa 5 hadi saa 7:30 mchana ambapo vitongoji vilivyo athiriwa na upepo na mvua hiyo kuwa ni pamoja na mlimani,mwegeyani na mkuwajuni ambapo katika nyumba hizo 65 ni pamoja na nyumba mbili za ibada yaani makanisa ya RC na kanisa la kipentekoste.

Amesema kati ya nyumba hizo nyumba 23 zimeezuliwa kabisa mapaa yake na nyumba 42 zimeezuliwa na kubomoka upande mmoja wa mapaa yake ambapo docta KAWAMBWA alipata nafasi ya kutembelea na kukagua uharibifu uliotokea na kuwapa pole waathirika wa ajali hiyo.

Dokta Kawambwa  ameahidi kupeleka viloba 67 vya unga na mchele hukuakiomba wadau mbalimba;li na wasamalia wema kujtolea kuwasaidia wananchi wa vijiji hivyo vya ruvu darajani na visezi kwa hali na mali kuwanusulu na mahafa yaliyowakuta na kuagiza msaada huo wapewekipaumbele zaidiwalioathirika zaidi, wazee, wasio na uwezo kabisa .

Ameagiza uongozi wa vijiji hivyo na kata ya vigwaza kupeleka taarifa za kimaandishi haraka katika ofisi ya wilaya ya bagamoyo hatimaye taarifa rasmi zifike mkoani hadi ofisi ya waziri mkuu kitengo cha maafa ili hatua zaidi za kimsaada zichukuliwe.