MIGOGORO YA ARDHI WILAYA KILOSA YAZOROTESHA SHUGHULI ZA MAENDELEO.

                                                              

MKOA wa Morogoro unakumbwa  na migogoro ya ardhi kwa muda ambayo inahatarisha usalama wa raia na mali zao na hivyo kuzorotesha maendeleo katika jamii na kurudisha nyuma shughuli za  kilimo ambacho kinategemewa kuinua uchumi wa taifa

 Matukio kadhaa ya migogoro ya ardhi katika wilaya ya Kilosa yamesababisha vifo vya raia , waathirika wengi wakiwa ni wanawake na watoto ambao wanakuwa tegemezi kubwa katika jamiii katika suala zima la uzalishaji katika kilimo na ufugaji

Mratibu wa  muungano wa asasi, zilizopo mkoani Morogoro  zinazohusika na maswala ya ardhi (Morogoro Land Allliance),Julius Mabagala anasema kuwa taasisis yao ilifanya utafiti wa migogoro ya ardhi katika makundi tofauti katika wilaya ya Kilosa  yakiwemo kundi la viongozi wa vijiji, wakulima na wafugaji kwa lengo la kutafuta chanzo cha migogoro na nini kifanyike

Katika utafiti waligundua kuwa kuna aina nyingi za migogoro ya ardhi inayosababisha jamii kukosa amani kila siku na kushindwa kufanya shughuli za maendeleo ambayo ni mipaka kati ya ardhi ya vijiji,wafugaji na wakulima,wakulima na wakulima katika mipaka ya mashamba

Migogoro mingine ni kati ya wananchi wazawa na wawekezaji,wanachi na serikali hasa mbuga za wanayama,hifadhi za taifa,na mtu na mtu katika makazi,ukodishaji ardhi,miradhi ya mashamba ni baadhi ya vitu ambavyo vinachangia vurugu katika jamii nyingi za wazalishaji ndani ya Taifa kwa ujumla

Mabagala anasema kuwa vyanzo migogoro ya ardhi ni utawala na uongozi ambapo viongozi wengi wanafanya maamuzi yasiyo na kumbukumbu,viongozi wasiowajibika kutokana na maamuzi au vitendo vya masuala ya ardhi,viongozi kutumia madaraka viabaya kwa manufaa yao binafsi na kuongeza mipaka bila kufuata taratibu na sheria ya umiliki wa ardhi ngazi ya kijiji

Anasema migogoro mingine inasababishwa na wakulima na wafugaji wenyewe katika kuwepo kwa mifugo mingi kuzidi uwezo wa eneo lililotengwa,kutenga maeneo ya malisho bila kujali idadi ya mifugo iliyopo,wafugaji kutotii taratibu na sheria zilizowekwa,wakulima kuvamia maeneo ya wafugaji na kuanzisha shughuli za kilimo,elimu duni ya sheria ya ardhi kuhusu matumizi bora ya ardhi na wakulima na wafugaji katika mipaka ya mashamba

Taasisi ilipendekeza mambo mbalimbali kama yafuatayo kama vili kijiji kipimwe au mipaka ihakikiwe ili kutambulisha eneo na Miliki ya ardhi ya kijiji kisheria,kuwepo na mpango wa matumizi bora ya ardhi ya kijiji,kuwepo alama za kudumu ili  kubainisha Mipaka ndani ya maeneo ya mpango wa matumizi wa ardhi ya kijiji,Wananchi wamilikishwe ardhi kwa hati za kimila na kuwepo na masijala ya ardhi ya kijiji ili kuweka na kutunza kumbukumbu za masuala ya ardhi

Mapendekezo mengine ni wananchi waelimishwe taratibu za kusuluhisha au kutatua migogoro ya  ardhi kwa uwazi na haki,kamati zote zinazohusika na masuala ya ardhi kijijini zipewe elimu ya kutosha ya sheria ya ardhi na vitendea kazi vyake ili kamati  zizingatie taratibu na kutoa haki na wajumbe wa kamati zote wachaguliwe katika mkutano wa wananchi wote kwa kufuata taratibu za kisheria zilizopo ili kuepuka chochoko ya vurugu

Mbagala anasema kuwa hatua stahiki  za ufumbuzi  wa migogoro  ya ardhi ya  vijiji ni,kuwapatia wafugaji wenye idadi kubwa ya mifugo maeneo yenye malisho na maji ya kutosha vijijini,kuwepo mpango wa matumizi bora ya ardhi ya kijiji,serikali kuwapati ranchi ndogo ndogo wafugaji wenye idadi kubwa ya mifugo,wafugji waunde chombo cha sauti ya wafugaji katika maeneo yenye migogoro ya ardhi

Hatua nyingine ni serikali itunge sheria ndogo zinazothibiti uhamiaji horera wa wafugaji, serikali na vijiji  ziweke utaratibu wa kuhesabu na kuthibiti idadi ya mifugo katika vijiji na wilaya kila mwaka,kuwepo na utaratibu wa wazi wa kuwajibisha viongozi wanaokiuka sheria na taratibu za uhamiaji wa wafugaji vijijini na wilayani na serikali itunge sheria ya wafugaji kumiliki ardhi kimila.

Katika ripoti ya warsha ya maafisa ardhi wa sekretarieti za

mikoa na makatibu tawala wa wilaya (das) juu ya migogoro ya mipaka na ardhi nchini iliyofanyika tarehe 12-13 april 2006 mjini Morogoro iliainisha changamoto mbalimbali zilizopo katika migogoro ya ardhi

Ilibainisha changamoto hizo kuwa ni uwezo wa mabaraza ya ardhi ya Wilaya/ kata na Kijiji ni mdogo na pia maamuzi yanayotolewa hayapati nguvu za dola ili yatekelezeke na hivyo kufanya migogoro ya mipaka na ardhi izidi kukua.

Upungufu wa Wataalamu wa kada ya Ardhi katika ofisi za Wilaya,hii ni pamoja na ukosefu wa majengo mazuri ya ofisi, fedha za kuendeshea ofisi, vifaa vya utendajikazi kama GPS, Total station, vifaa mbalimbali vya kuandaa ramani

pamoaja na usafiri kwenye Idara za Ardhi na kufanya kazi ya kutembelea mipaka kuwa ni ngumu sana.

Changamoto nyingine ni wanasiasa kuingilia sana maamuzi ya wataalamu wa ardhi kwenye kutoa maamuzi ya migogoro ya ardhi na mipaka na kusababisha migogoro hii kukua au kutopatikana kwa ufumbuzi kwa wakati unaotakiwa na wananchi kuendelea kupoteza mali zao

Nyingine ni viongozi wa mikoa na Wilaya kutoifahamu mipaka ya maeneo yao ya kiutawala na kusisitiza viongozi wa mikoa na wilaya wanapoteuliwa ni muhimu watembelee na kufahamu kwa uhakika mipaka ya maeneo yao ya utawala.

Wataalamu, watendaji na viongozi hawazifahamu kwa uzuri sheria za ardhi na kupendekezwa  kwamba nilazima wasome na kujua sheria zote za ardhi zinazozungumzia utatuzi wa migogoro hiyo na halmashauri ziwajibike mara moja mgogoro wa ardhi unapojitokeza, ili kuzuia mlundikano wa migogoro ambayo hatimaye huwa kero kubwa kwa wananchi.

Mashamba yaliyotelekezwa yafutiwe hati za umiliki mara moja na Wizara ya Ardhi, Nyumba na Maendeleo ya Makazi ichukuwe hatua za haraka mara tu maombi mapya yanapowafikia.

 Maeneo yaliyobinafsishwa wakati wanakijiji wakiwemo ndani yaangaliwe upya kwani wanakijiji waliokuwa ndani wanapata matatizo pamoja na kuimarishwa kwa mawasiliano kuanzia ngazi ya Wizara zote husika, Mikoa na Wilaya na kuwa na mrejesho ya taarifa husika ili kuwafnya wanachi kuwa na imani na viongozi wanaowaongoza.

Kwa upande wake mkulima  Lamanya Mdoe anasema kuwa migogoro ya wakulima na wafugaji morogoro imeanza muda mrefu sana ila tatizo kubwa linakuwa kwa watendaji kuanzia serikali za vijiji hadi mkoa

Mdoe anasema kuwa waziri husika imefika wakat isasa kuchukua hatua kwa watendaji wote wanaohusika katika sakati zima la kuuza ardhi kwa maslahi binafsi bila kushirikisha wanakijiji kama sheria ya ardhi inavyoelekeza na kuwachukulia hatua za kisheria ili wengine kuweza kuiga na kuacha tabia hiyo yakuzorotesha maendeleo katika jamii

 Mwisho..........................