RAIS JAKAYA MRISHO KIKWETE AWEKA JIWE LA MSINGI DARAJA LA MTO KILOMBERO

                                                             

 Rais Jakaya Mrisho Kikwete akiweka jiwe la msingi la ujenzi wa daraja la mto Kilombero.

 Rais Jakaya Mrisho Kikwete akisalimiana na Mbunge wa Jimbo la Kilombero Abdul  

                                                       Mteketa.

Kivuko cha Mv.Kilombero kikiwa kinavusha mizigo na abiria kutoka Ulanga kuelekea Ifakara

 Daraja la muda linalotumiwa na mafundi wanaojenga daraja la mto Kilombero kuvusha vifaa,daraja hilo ndilo alilopita Rais Kikwete akitokea Ulanga kuelekea Ifakara.

Daraja la muda la mto Kilombero linavyoonekana kwa juu.

RAIS Jakaya Mrisho Kikwete amesema serikali imedhamiria kukamilisha ujenzi wa daraja la mto Kilombero kwa wakati kwa lengo la kurahisisha huduma kwa wananchi wa Ulanga na Ifakara na kuweka lami kwa baadhi ya barabara  kubwa zinzounganisha wilaya hizo na kutatua kero wanayoipata kipindi cha mvua.

Kikwete alitoa kauli hiyo jana akiwa katika zoezi la kuweka jiwe la msingi katika ujenzi wa daraja la mto Kilombero,ambapo alisema kuwa serikali katika mpango wa maendeleo katika kipindi cha awamu ya tatu ilidhamiria kujenda madaraja matatu ambayo ni Kilombero,Kigamboni na Malagarasi

Alisema kuwa ujenzi wa daraja la kigamboni utakamilika ifikapo mwezi wa 6,2015 kwa ni jitihada zinaendelea zinaonekana na kuweza kupunguza adha ya wakazi wa kigamboni wanayoipata kwa kipindi hiki kifupi katika kufanya shughuli zao za maendeleo

Aliongeza kuwa katika kipindi ch 2005/2010 serikali iliahidi kurekebisha miundo mbinu ya barabara kwa kutimiza ilani ya chama cha mapinduzi , kuna wengine walisema ni ahadi hewa zinatolewa ila kwa sasa wanashuhudia wenyewe maendeleo yaliyoletwa na bado serikali ina mpango wa kuhakikisha barabra zote zinapitika kwa kiwango cha lami

Pia alisema barabara ya kutoka Ruaha hadi Ifakara itajengwa kwa kiwango cha lami,kwani wasanifu wameshaanza kazi na pindi watakapomaliza ujenzi huo utaanza,na Barabara ya Kilombero mpaka Mahenge,Ifakara,Mgeta na Mlimba zitaingizwa katika ilani ijayo ya chama cha mapinduzi

Kwa upande wake Waziri wa Ujenzi,John Pombe Maguli alisema kuwa kukamilka kwa daraja la mto kilombero kutafanya mji wa ifakara kuwa na maendeleo ya hali ya juu na wa kisasa kwani kila kitu kitakuwa kinapatikana mji hapo na kwa urahisi kuliko ilivyo sasa

Magufuli alisema daraja la kilombero lina urefu wa mita 384 na upana wa mita 120,huku kukiwa na madaraja mengine madogo madogo 35,pia daraja hilo linajengwa kwa kiwango cha kimataifa kinakidhi vigezo vyote  vinavyotakiwa vya ujenzi wa madaraja

Alisema kuwa serikali itaendelea kuhakikisha mkandarasi anafanya kazi kwa makini na kukamilisha daraja hilo kwa wakati na kuhakikisha analipwa malipo yake wa wakati kama walivyokubaliana katika mkataba waliosaini ili kusiwe na sababu za kuchelewesha malipo hivyo daraja kushindwa kukamilika katika ubora unaotakiwa.

Naye Afisa Mtendaji Mkuu kutoka wizara ya Ujenzi ,Mhandisi Francis Mfugale alisema kuwa ujenzi wa daraja hilo ambao utagharimu kiasi cha shilingi bilioni 53.2,asilimia 90 ya mitambo yote imekamilika  na kufikishwa katika eneo la ujenzi baada ya kufanyiwa tathimini nchini china wakishirikiana na watanzania waliokwenda huko.

Mfugale alisema kuwa ujenzi wa daraja hilo umechelewa kuanza kutokana na mafuriko,baada ya mafuriko wataalamu walikaa na kutathimini aina gani ya daraja watengeneze ambalo litakuwa suluhisho ya adha ya usafiri wanayopata wakazi wa Ifakara na Ulanga kipindi cha mvua kubwa.

Mwisho.