Kwa mujibu wa Kamanda wa Mkoa wa Morogoro Faustine Shilogile akizungumza na waandishi wa habari ofisini kwake jana alisema kuwa tukio hilo lilitokea Agosti 31 mwaka huu saa 9 usiku maeneo ya Mtawala manispaa ya Morogoro.
Shilogile alimtaja mlinzi aliyeuwawa kuwa ni Elisha Simangwa Paulo (45) mkazi wa Msamvu huku mlinzi mwenzake Otto Oscal Chakala(45) mkazi wa Chamwino kujeruhiwa vibaya sehemu ya kichwani na amelazwa katika hospitali ya mkoa wa Morogoro kwa matibabu
Alisema kuwa majambazi hao waliwavamia walinzi hao wakiwa lindoni lakini baada ya mapambano baina yao na walinzi na kusababisha kifo na majeruhi walitoroka kwa kuruka ukuta na kukimbilia kusikojulikana.
Alisema polisi ilipata taarifa kutoka kwa mwananchi mwema kuwa mmoja wa majambazi aliyejeruhiwa anatafuta usafiri kwa nia ya kutoroka,ndipo walipomkamata eneo la msamvu huku akiwa na silaha aina ya short Gun MV 65552 ambayo walitoroka nayo kwa kumnyang’anya mlinzi.
Kamanda Shilogile alisema kuwa jambazi huyo pia alikutwa na mapanga matatu pamoja na nyundo huku Pipiki yenye namba za usajili T 169 BXM aina ya SanlG ikikamatwa kutokana na kutumika katika tukio hilo na kwamba hakuna mali iliyoporwa katika kampuni ya Coca Cola.
Shilogile amewataka wananchi kuendelea kutoa ushirikiano na kutoa taarifa pale wanapokuwa na mashaka juu ya watu ambao hawaeleweki katika maeneo yao,na kumpongeza mwananchi aliyefanikisha kukamatwa kwa baadhi ya majambazi hao na kwamba msako mkali unaendelea kwa ajli ya kuwapata majambazi walitoroka.
Hata hivyo Kamanda alisema kuwa wanaendelea kumhoji mtuhumiwa huyo na kupata taarifa zaidi ili kuweza kusaidia wengine kukamtwa na kuangamiza mtandao wote wa ujambazi wanaoutumia kufanya uhalifu.
 |
| Kamanda wa Polisi mkoa wa morogoro,Faustine Shilogile akionyesha waandishi wa habari hawapo pichani pikipiki iliyotumiwa katika ujambazi |
No comments:
Post a Comment