MBUNGE WA JIMBO LA MOROGORO AFANYA ZIARA YA UJENZI WA BARABARA.

Eneo la barabara ya kichangani lililoharibiwa na mvua na kusababisha wananchi kukosa mawasiliano.

Kaimu Mhandisi Manispaa ya Morogoro,Ndelembi Sangija akitoa maelekezo kwa Mbunge wa Jimbo la Morogoro Aziz Abood kuhusu ujenzi wa barabara ya Kitope

 Mbunge wa Jimbo la Morogoro,Aziz Abood akiteta jambo na Mhandisi Ndelembi.

Mbunge wa Jimbo la Morogoro,Azizi Abood,akitoa maelekezo kwa Kaimu Mhandisi,Ndelembi Sangija,kushoto ni Stephen Aloyce kutoka kampuni ya CGT-Contrator Ltd,ambayo inashughulika na ujenzi wa barabara hizo.

 Mbunge,Aziz Abood akiwasalimia wafanyabiashara katika eneo la shule ya msingi Bungo.

Mbunge wa Morogoro mjini,Aziz Abood kulia akikagua barabara ya kitope.

                                 

MBUNGE wa Jimbo la Morogoro,Aziz Abood ametoa kiasi cha milioni tatu kwa ajili ya ujenzi wa kivuko cha Nakutu na Chalumbi katika kata ya Kilakala vilivyoharibiwa na mvua na kusababisha wakazi wa kata hiyo kukosa mawasiliano na kushindwa kupata huduma mbalimbali za kijamii

Akiwa katika ziara ya kukagua miundo mbinu ya barabara ndani ya manispaa morogoro,Abood alisema kuwa barabara nyingi ziko katika hali isiyoridhisha japokuwa nyingi ujenzi unaendelea na hivyo kuiomba halmshauri hiyo kuendelea kutia nguvu na kuhakikisha wanchi wanapata barabara safi na zinapitika muda wote

Alisema kuwa vivuko hivyo vya Kata ya Kilakala vimearibika kwa muda mrefu na hakuna jitihada zimeanza kuonyeshwa katika ukarbati wake,hivyo ametoa kiasi cha shilingi milioni 3 zianze ujenzi huo na kwa kushirkiana na halmashauri wakahakikisha wanachi wa eneo hilo wanapata huduma hiyo ya barabara

Abood alisema halmshauri inatengeneza barabara kwa kiwango cha lami zenye ukumbwa wa kilomita 3.3 na kugharimu kiasi cha shilingi bilioni 1.148,fedha hizo zimetoka mfuko wa barabara na kuiomba halmashauri kuendelea na usimamizi mzuri wa fedha hizo ili wananchi waone maendeleo yanayoletwa na serikali ya chama cha mapinduzi

Aliongeza kuwa kuna barabara zimetengenezwa ndani ya mwaka mmoja lakini zimeshaharibika tayari,zina mashimo,ikiwemo barabara ya kuelekea daraja la mwere hivyo kumtaka mkandarasi aliyetehusika kufanya marekebisho hayo kwani inaonyesha jinsi gani barabara hazitengenezwi kwa ubora unaotakiwa

Pia alisema katika eneo la kichangani walipopatwa na mafuriko na wanachi kukosa barabara watakaa na halmashauri na kuona jinsi gani ya kufanya ili kukarabati barabara hiyo ili kuweza kurudisha mawasiliano kwa wakazi hao ambao hivi sasa wanatumia daraja dogo walilotengeneza wenyewe ambalo halina ubora wowote na linaweza kuleta mahafa muda wowote.

Kwa upande wake Kaimu Mhandisi wa Manispaa ya Morogoro Ndelembi Sangija alisema kuwa barabara zote zizoliharibiwa na mvua za mwezi wa nne zina mashimo manispaa iko katika mkakati wa kuzikarabati na kuhakikisha zinarudi katika hali ya awali.

Sangija alisema kuwa barabara ambazo zinajengwa kiwango cha lami ziko chini ya kampuni ya CGT-Contractor Ltd,na mhandisi Stephen Aloyce,hivyo wanachi watakiwa kumpa ushirikiano wa kutosha kule ambako anafanya kazi ya ujenzi huo ili kuweka manispaa hiyo katika hali ya kuvutia na yenye maendeleo kwani ubora wa barabara na nzuri zinavutia pia wawekezaji.

Mwisho.