KESI YA MTOTO NASRA,WATUHUMIWA KUHOJIWA UPYA.

Mariam Said na Mumewe Mtonga wakiwa ndani ya mahakama ya hakimu mfawidhi wa mkoa wa morogoro wakisubiri kusomewa shitaka.

Mariam Said akiwa nje ya mahakama,anashitakiwa kwa kosa la kumtunza mtoto Nasra ndani ya box miaka minne.

Baba Mzazi wa Nasra,Rashidi Mvungi(kushoto) akiwa mahakamani na Mariam Said na mumewe Mtonga wakiwa mahakamani.

                                                             

Wananchi wakiangalia watuhumiwa ndani ya gari wakirudishwa polisi kwa kuhojiwa  upya.

UMATI wa watu umekusanyika katika mahakama ya hakimu mkazi Mkoa wa Morogoro kusiliza kesi iliyokuwa inawakabilia Rashidi Mvungi baba wa Nasra ,Mariam Said na Mtonga Omari kwa kosa la kumtesa mtoto Nasra Rashid kwenye box kwa miaka mine na hatimaye kufariki 1/06

Akisoma shitaka hilo Wakili mwandamizi wa serikali Sunday Hyera,mbele ya hakimu mfawidhi mahakama mkoa Mary Moyo,alisema kuwa watuhumiwa awali walishtakiwa kwa makosa mawili,la kwanza kula njama na pili la ukatilia kwa mtoto Nasra

Wakili wa serikali mwandamizi  Sunday Hyera mbele ya hakimu mkazi mfawidhi mkoa wa morogoro Mary Moyo kuwa  awali kesi hiyo leo ilipangwa kuanza kusikilizwa lakini  kutokana na mwaathiriwa  mtoto Nasra Mvungi  kufariki dunia juni mosi mwaka huu hivyo washtakiwa wote wanapaswa kuhojiwa upya na polisi.

Wakili wa serikali  Hyera aliyekuwa akishirikiana na wakili mwenzake wa serikali Edgar Bandulaki na mwandesha mashitaka wa polisi  Inspekta Zabron Msusi  wameiombia mahakama kuwa baada ya washtakiwa wa kesi ya awali kuhojiwa na polisi kesi hiyo itapangwa  haraka mahakamani kwa ajili ya kutajwa.

Kwa upande wake Hakimu mkazi mfawidhi wa mkoa wa Morogoro   Mary Moyo alikubaliana na ombi hilo la wakili wa serikali na kupanga kesi hiyo hiyo kutaja tena juni kumi na mbili mahakamani hapo.

Kesi  hiyo ilionekana kuvuta hisia za watu wengi wakazi wa manispaa ya morogoro na nje kufurika viwanja vya mahakama huku wengine wakishindwa kujizuia na kuangua kilio mahakamani hapo na wengine kuwazomea watuhumiwa wakati wakipandishwa kwenye gari chini ya ulinzi mkali wa polisi  wakiepelekea kituo kikuu  cha polisi kati  mkoa wa Morogoro kwa mahojiano upya.

Mwisho