WILAYA NNE MOROGORO ZATAJWA KUCHAKACHUA VOCHA ZA PEMEBEJEO.

Wilaya  za Kilombero,Kilosa ,Morogoro na Mvomero  zimetajwa  kukithiri kwa matukio  ya kughushi  saini na majina  ya  wakulima  katika vijiji  katika  zoezi  la  ugawaji wa mbolea  za pembejeo kutokana na mawakala na watumishi wa srikalini  kutokuwa waaminifu na uadirifu .

Hayo yamesemwa jana  na mwenyekiti wa mtandao wa habari za kijamii Tanzania (mhakita)Bi Merina Robart wakati akiongea na wanahabari kwenye  majumuisho  ya  ziara  fupi katika  wilaya  za mkoa  wa Morogoro kuchunguza malalamiko ya  wakulima kuhusiana na  usimamizi  mbovu pamoja  na  hujuma katika  zoezi  la  ugawaji ruzuku za   pembejeo.

Bi Merina  alisema  kuwa katika  ziara  fupi  ya mhakita  katika baadhi  ya  wilaya imebaini wilaya hizo nne  zimekithiri  kwa matukio  ya wizi wa ruzuku  za  pembejeo  kwa  wakulima  kwa  kughushi ,majina  ya  wakulima ili  kujipatia  fedha  nyingi pasipo kusambaza pembejeo katika  vijiji.

Alisema  kuwa matukio  ya  aina  hiyo mhakita  haitakuwa tayari kuyanyamazia ,kwa  kuwa  ni matukio  ya kuhujumu  taifa  kushindwa  kufikia  malengo  yake   ya uzalishaji  kwa  wakulima kutokana na  hujuma  hizo  za  mawakala  wa pembejeo.

Hata  hivyo mwenyekiti  huyo alisema  kuwa  katika  baadhi  ya  vijiji  wamekuwa wakiwataja  watumishi wa  serikali waliokula  njama na  mawakala   katika  kulazimisha  kughushi saini na majina  ya  wakulima  katika maeneo yao .

“majina ya mawakala waliojihusisha  na  zambi  hizo tunayo pamoja na  watumishi wa  serikali yapo itakapofikia hatua  ya  kuwataja ili serikali  ifanye  kazi yake  tutayataja  kwa  kuwa  yamesemwa  na  wakulima  katika maeneo  yao “alisema mwenyekiti  huyo.

Alisema  kuwa kazi  za asasi  zisizo za kiserikali  ni kuisaidia   serikali  kuhakikisha mipango na sera  za serikali  zinatekelezwa kw a umakini  ili  kuepusha  serikali  kuingia  katika  hasara  kubwa  katika  miradi  yake .

Mwenyekiti huyo alidai   kuwa mhakita  kama mdau wa  serikali  katika  kuimiza maendeleo ya  jamii   bila  kujali  itikadi  za kidini , siasa  imekuwa  mstari wa mbele  katika  kufichua maovu yeyote  yenye lengo  la  kukwamisha  jitihada  za serikali  katika  kuhakikisha  jamii  inapata maendeleo  ya kasi kubwa  katika maeneo  yao.

Hata  hivyo amedai  kuwa mhakita  ni asasi yenye  wigo mkubwa  wa kufanya kazi  katika  mikoa  yote  Tanzania  bara itaendelea  kutoa ushirikiano  kwa serikali  katika maeneo mengine ili kuakikisha serikali  inafikia malengo  yake  katika  sekta  mbalimbali nchini

Alisema  kuwa  wilaya  hizo nne mkoani Morogoro  zimekithiri matukio  hayo ya  ubadhirifuna ulaghai kutokana na uzembe  wa watumishi waliopewa  dhamana  ya kusimamia zoezi  zima  la  ugawaji wa ruzuku za pembejeo .

Hata  hivyo mwenyekiti  huyo ameiomba serikali na taasisi nyingine kuiunga  mkono mhakita  ili kufanikisha  kufikia  malengo  yake   ya  kuandika  habari za kijamii  zaidi  hususani  vijijini ambako kumekuwa na  uhabarishwaji wa habari za matukio ya  wananchi “mhakita  imekusudia kufanya kazi za kihabari na  jamii hasa vijijini”alisema  Bi Merina .

Mwisho.