MOECO WAUNGA MKONO KAULI YA WAZIRI MKUU MIZENGO PINDA

SHIRIKA lisilo la Kiserikali Morogoro Environmental Conservation (Moeco) limeunga mkono kauli ya Waziri Mkuu Mizengo Pinda ya kuwataka watanzania kujihusisha na ufugaji wa nyuki kwa kutundika mizinga 60 kwa lengo la kujikwamua kiuchumu na kuchangia pato la Taifa

Zoezi hilo lilifanyika jana  katika  Ofisi za shirika lisilo la kiserikali la  Moeco lenye ofisi zake Kata ya Saba Saba  katika kuazimisha siku  ya utundikaji mizinga ya  nyuki duniani,kama  njia moja wapo  ya uamasishaji ufugaji wa nyuki .

Mratibu wa mradi wa nyuki unaoshirikisha taasisi za Moeco,Sua  na Water Loo foundation ,Jackson Msaliwa  alisema  kuwa  maazimisho  ya  siku  hiyo  ya  utundikaji  nyuki  ni njia  moja  wapo  ya  uamasishaji wananchi kutambua  ufugaji wa nyuki ndio  njia mbadala  ya kumkwamua mtanzania  kiuchumi .

 Msaliwa  alisema kuwa shughuli za ufugaji  nyuki , zimekuwa  chachu  kubwa   ya maendeleo  ya  kasi kwa  wanafanyabiashara  wa zao la  nyuki  nchini  ukilinganisha na  biashara  nyingine .

Alisema  kuwa  tangu mradi  huo kuanza  katika  vijiji  vya mkundi , Wami , Dakawa , Njovu,Madudu,Kitete, Mfulu ,Lungu    wami  sokoine  , wananchi wa maeneo    hayo ambao waliamua  kujishughulisha  moja  kwa moja  na  ufugaji wa  nyuki  wameonekana  kujikwamua  kiuchumi  ukilinganisha  na shughuli zao  za awali .

Kwa upande wake Katibu  tarafa wa manispaa  ya  Morogoro ,Sulpicius Pakalapakala , akifungua maadhimisho  hayo    alisema  kuwa  serikali  inatambua  mchangao  mkubwa  wa  asasi  zisizo za kiserikali, hivyo  hakuna sababu  ya  kutounga mkono  jitihada za  masharikika  hayo .

Alisema kuwa serikali  itaendelea kuayaunga  mkono mashirika yote  yenye  nia  nzuri   ya kuleta mabadiliko  ya  kiuchumi nchini na sio mashirika  yenye nia  ya kupoteza amani  ya  taifa .

Mwanachama wa asasi ya Moeco ,Dk Ally  Fungo  ameiomba  serikali kuendelea  kutoa ushirikiano  na mashirika yasiyo  ya  kiserikali , hususani masharika yanayojihusisha na  utunzaji wa mazingira kwani yanajitahidi sana katika kutunza mazingira na kutoa elimu kwa jamii .

Hata hivyo alisema kuwa taifa  limekuwa na  uharibifu  mkubwa  mazingira  hali ambayo  imekuwa  chanzo kikubwa  cha  ukosefu wa  mvua  , ikiwa  pamoja na mabadiliko  ya  taibia  nchi .