UHARIBIFU WA MAZINGIRA ,VYANZO VYA MAJI CHANZO CHA UKAME WA MAJI MANISPAA YA MOROGORO

Morogoro.

Mamlaka ya maji safi  na maji  taka  mkoani Morogoro (Moruwasa) imetangaza  hali  ya  ukame  uliokithiri katika  vyanzo vya maji tegemezi vinavyotegemewa kwa ajili  ya  kutoa  huduma ya maji safi  kwa wakazi  mkoani Morogoro .

Rai  hiyo  imetolewa  hapo  jana na  mkurugenzi  mtendaji  wa Moruwasa , Bw  John Mtaita  wakati akiongea  na timu  ya  wanahabari  iliyoundwa kwa ajili  ya  kufuatilia  kwa kina kero mbalimbali  za  wananchi mkoani Morogoro .

Bw  Mtaita  alisema  kuwa  hali  hiyo  ya  ukame  uliokithiri  imetokana na  mabadiliko  ya  tabia  nchi ambayo chanzo   chake  kikubwa  ni uharibifu wa mazingira  unaokithiri  katika maeneo  mabalimbali  hususani mkoani Morogoro .

Alisema  kuwa tatizo  la  ukame  wa maji  limekuwa  kubwa  katika  limekuwa kubwa  sana ukilinganisha  na  miaka  ya  nyuma , ambapo  kila  ifikiapo  kipindi cha kiangazi  maji upungua  kwa asilimia  arubaini   tu , lakini kwa mwaka  huu  maji  yamepungua  kwa kiasi  cha zaidi ya  asilimia  60.

“Ningependa niwaambie  wananchi hali hii itaendelea kuleta  shida katika maeneo yote  ya  Manispaa  mpaka  hapo  mvua  zitakapoanza kunywesha “ alisema  Bw  Mtaita .

Hata hivyo  mkurugenzi  huyo alidai , wananchi  wanatakiwa kujua kuwa mahitaji  ya  watu yameongezeka  kwa kiasi  kutokana na kutanuka  kwa mji  ukilinganisha  na siku  za nyuma  wakati mitambo ya maji  ikijengwa ..

Alidai  kuwa  hali hiyo  itapungua   mara  tu baada  ya kukamilika  kwa mradi wa  amji wa MCC ambao utazalisha  maji  mita  za ujazo zaidi  ya 36,000 kwa  siku .

Alisema  kuwa mradi  huo  wa MCIT ambao  upo  chini  ya mradi mama  wa MCC unatarajia  kukamilika  mwishoni  mwa mwaka 2013 , hata  hivyo amedai  kuwa  pamoja na  mradi  huo  kukamilika lakini bado  wananchi wanahitaji  kupewa  elimu  juu  ya  umuhimu wa  kutunza mazingira  hususani  vyanzo  vya maji .

Timu  hiyo  ya  waandishi wa habari  mkoani Morogoro  ambayo  ilitembelea  katika  baadhi  ya  vyanzo  vya maji  vya Mafiga ,Mindu,Maturi   na Mambogo  na kushuhudia hali  hiyo .

Kufuatia  hali   hiyo  ya ukame   mkoani Morogoro kwa sasa  wananchi wamekuwa wakinunua  ndoo  ya maji ya  lita  ishirini kwa kiasi  cha  shilingi mia nne mtaani
 .

Mkurugenzi wa mamlaka ya maji safi na maji taka Bw John Mtaita  akielezea hali  ya ukame  wa maji  katika  vyanzo  vya maji  ndani  ya manispaa  ya Morogoro , kama inavyojieleza picha  ya  Bwawa la Mindu  lilivyokauka  kutokana na  mabadiliko  ya tabia nchi yanayotokana na uharibifu  wa mazingira.

kcaption

Add cap